ఏపీ: ఆటో ఎక్కి మరీ డ్రైవర్ల సమస్యల గురించి తెలుసుకున్న పవన్ కళ్యాణ్!
ఈ నేపథ్యంలో అయన ప్రతి ఒక్కరి ఇబ్బందిని తాను తెలుసుకుంటానని, మీలో ఒకడిగా ఉంటూ కూటమి ప్రభుత్వం వచ్చాక పరిష్కారం తప్పకుండా చూపుతానని ఆటో డ్రైవర్లకు భరోసా ఇవ్వడం జరిగింది. ఈ క్రమంలో ఆయన మాట్లాడుతూ... "నేను, జనసేన అధినేతను... మీ పవన్ కల్యాణ్ ని. పిఠాపురం అసెంబ్లీ నుంచి పోటీ చేస్తున్నా. అమ్మలారా, అక్కలారా, అన్నలారా నన్ను మీరు ఆశీర్వదించండి. మీరందరూ దయచేసి ఓటేసి నన్ను గెలిపించండి. అటుపై మీమీ సమస్యలను త్వరితగతిన తప్పక తీరుస్తాను." అని పవన్ ప్రజలను కోరారు. ఈ పర్యటనలో పవన్ అధికార పార్టీ వైస్సార్సీపీపైన పెద్ద ఎత్తున విమర్శలు చేసారు. గత ఐదేళ్లలో ఆంధ్ర రాష్ట్ర రహదారుల శాఖ ఇక్కడ పని చేసిన దాఖలాలే కనబడడం లేదని దుయ్యబట్టారు.
కాగా, ఈ మీటింగులో జనసేనానితో కరచాలనం చేయడానికి, ఫోటోలు తీసుకోడానికి జనం ఎగబడ్డారు. అయితే అందరితో పవన్ ఎంతో ఓపికగా మాట్లాడి వారు చెప్పిన సాదకబాధలను వినడం జరిగింది. అందరినీ తప్పకుండా కలుస్తానని, కోరినవారికి ఖచ్చితంగా ఫోటోలు దిగే అవకాశం కల్పిస్తానని పవన్ ఈ సందర్భంగా చెప్పడం జరిగింది. కాగా కాకినాడ జిల్లా, పిఠాపురం నియోజకవర్గం నుంచి జనసేన అధినేత పవన్ కళ్యాణ్ పోటీ చేస్తున్న విషయం అందరికీ తెలిసిందే.