ఉత్కంఠకు తెరదింపిన కేసీఆర్.. అభ్యర్థి పేరు ప్రకటన?
అయితే ఏ వరంగల్ ఎంపీ టికెట్ అయితే కడియం కావ్య వదులుకుందో.. అదే వరంగల్లో నుంచి కాంగ్రెస్ తరపున పోటీకి దిగింది. దీంతో బీఆర్ఎస్ కు కోలుకోవాలని దెబ్బ తగిలింది. అయితే ఇక వరంగల్ నుంచి ఎవరిని పోటీకి దింపాలో తెలియక కేసీఆర్ కి పెద్ద తలనొప్పి మొదలైంది. ఎంతోమంది నేతల పేర్లు కూడా తెరమీదికి వచ్చాయి. దీంతో వరంగల్ ఎంపీ అభ్యర్థిగా ఎవరు పోటీ చేయబోతున్నారు అనే విషయంపై ఉత్కంఠ నెలకొంది. అయితే ఈ విషయంపై గులాబీ దళపతి కేసీఆర్ ఇటీవలే క్లారిటీ ఇచ్చి ఉత్కంఠకు తెరదించారు.
మాదిగ సామాజిక వర్గానికి చెందిన సుధీర్ కుమార్ వరంగల్ ఎంపీ అభ్యర్థిగా పోటీ చేయబోతున్నట్లు కేసిఆర్ ఫైనల్ చేశారు. వరంగల్ పార్లమెంట్ నియోజకవర్గం పరిధిలోని బిఆర్ఎస్ నాయకులు అందరితో సుదీర్ఘమైన చర్చ జరిపిన తర్వాత ఈ నిర్ణయం తీసుకున్నాడు. ప్రస్తుతం హనుమకొండ జడ్పీ చైర్మన్గా కొనసాగుతున్న సుధీర్ కుమార్ ను ఇక బీఆర్ఎస్ పార్టీ వరంగల్ ఎంపీ అభ్యర్థిగా ప్రకటించాడు. కాగా 2001 నుంచి తెలంగాణ ఉద్యమకారుడుగా, పార్టీ విధేయుడుగా అధినేత కేసిఆర్ తో కలిసి పని చేస్తున్న సుధీర్ కుమార్.. సరైన అభ్యర్థి అని వరంగల్ పార్లమెంట్ పరిధిలోని ముఖ్య నేతలు అందరూ కూడా ఏకగ్రీవంగా ఆమోదించారు.