సెంచరీ కొట్టేసిన కూటమి... ఏపీలో మంత్రులందరూ యెనకే యెనక..!
ఇక గుడివాడలో టీడీపీ నుంచి పోటీ చేసిన వెనిగండ్ల రాము ఏకంగా 14 వేల ఓట్ల ఆధిక్యంలో కొడాలి నానిపై దూసుకు పోతుండడం మామూలు విషయం కాదని చెప్పాలి. ఇక గన్నవరంలో కూడా యార్లగడ్డ వెంకట్రావు విజయం సాధించే దిశగా దూసుకు పోతున్నారు. ఇక పెనమలూరులో కూడా మరో మంత్రి జోగి రమేష్ పూర్తి గా వెనకపడిపోయారు. గాజువాకలోనూ మంత్రి గుడివాడ అమర్నాథ్ వెనక పడిపోయారు. ఇక శ్రీకాకుళంలో మంత్రి ధర్మాన ప్రసాద రావుతో పాటు ధర్మన సోదరులు ఇద్దరూ కూడా భారీగా వెనక పడి పోయారు.
ఇక పుంగనూరులో మంత్రి పెద్దిరెడ్డి రామచంద్రా రెడ్డి కూడా వెనక పడిపోయినట్టుగా చెపుతున్నారు. బొత్స, దాడిశెట్టి రాజా కూడా పూర్తి గా వెనకపడిపోయారు. రాజమండ్రి రూరల్ నియోజకవర్గంలో చెల్లుబోయిన వేణుగోపాల కృష్ణ కూడా బారీ వెనకంజలో ఉన్నారు. ఇక మంగళగిరి లో నారా లోకేష్ కు ఇప్పటికే ఏకంగా 13 వేల ఓట్ల ఆధిక్యంలోకి దూసుకు పోతున్నారు. ఇక పిఠాపురంలో పవన్ కళ్యాన్ కు ఏకంగా ఇప్పటికే 12 వేల ఓట్ల ఆధిక్యంలో దూసుకు పోతున్నారు. ఇక విశాఖ పట్నం జిల్లాలోనూ టీడీపీ అభ్యర్థులు దూసుకు పోతున్నారు. ఇక జనసేన అయితే పోటీ చేసిన 22 సీట్లలో పోలవరం మినహా మిగిలిన అన్నీ సీట్లలోనూ విజయం దిశగా దూసుకు పోతుందనే చెప్పాలి.