కేసీఆర్ ను దెబ్బ కొట్టేందుకు.. చంద్రబాబు నయా ప్లాన్?
ఎందుకంటే బిఆర్ఎస్ పార్టీ ప్రతిపక్షంలోకి రాగానే ఏకంగా ఆ పార్టీలోని కీలక నేతలు అందరూ కూడా కారు దిగి అధికారంలో ఉన్న కాంగ్రెస్ పార్టీలోకి వెళ్లిపోయారు. కారు పార్టీ తరపున గెలిచిన ఎమ్మెల్యేలు కూడా ఇలా వలసలు వెళ్లి మరో పార్టీ తీర్థం పుచ్చుకున్నారు. అయితే ఇలాంటి సమయంలో పార్లమెంట్ ఎన్నికల్లో సత్తా చాటితే ఉన్న నేతలను అయినా కాపాడుకోవచ్చు అని విశ్లేషకులు అంచనా వేశారు. కానీ ఇటీవల వెడువడిన పార్లమెంట్ ఎన్నికల ఫలితాలలో కారు పార్టీకి ఊహించని ఎదురు దెబ్బ తగిలింది. ఒక్కచోట కూడా అటు బిఆర్ఎస్ పార్టీ విజయం సాధించలేకపోయింది. దీంతో ఆ పార్టీ పని అయిపోయింది అంటూ అటు రాజకీయ విశ్లేషకులు కూడా అంచనా వేస్తున్నారు.
ఇలాంటి సమయంలో అఖండ విజయంతో ఆంధ్రాలో టిడిపి అధికారంలోకి రావడం.. చంద్రబాబు సీఎం కావడంతో.. ఇక ఇప్పుడు తెలంగాణపై కూడా ఆయన దృష్టి పెట్టారు అన్నది తెలుస్తుంది. ఈ క్రమంలోనే బిఆర్ఎస్ స్థానాన్ని భర్తీ చేసేందుకు టిడిపి ఎత్తుగడలు వేస్తున్నట్లు ప్రచారం జరుగుతుంది. అసెంబ్లీ, లోక్సభ ఎన్నికల్లో ఓటమితో కారు పార్టీ డీల పడిపోవడంతో ఇక తెలంగాణలో బలపడేందుకు ఇదే సరైన సమయం అని చంద్రబాబు అనుకుంటున్నారట. ఇప్పటికే దీనికోసం ప్రణాళికలు కూడా సిద్ధం చేస్తున్నట్లు సమాచారం. తెలంగాణలో ఇప్పటికీ కార్యకర్తలు టిడిపి తోనే ఉండడంతో.. బిఆర్ఎస్ లోని కొంతమంది నేతలను టిడిపిలోకి ఆహ్వానించాలని అనుకుంటున్నారట చంద్రబాబు. ఈ క్రమంలోనే ఇప్పటికే తెలంగాణలో స్థానిక సంస్థల ఎన్నికల్లో పోటీ చేయాలని టిడిపి నిర్ణయించుకుంది అన్న విషయం తెలిసిందే.