ఇక లెక్కలు తేల్చుకోవలసింది వైసీపీ, జనసేననే!
ఇటువంటి తరుణంలో టీడీపీకి ఆపోజిట్ గా ఉండి ఏపీలో ఆల్టర్నేషన్ పార్టీగా ఉండేది ఎవరు అన్నదే ఇపుడు ప్రశ్నగా ఉంది. ఇక్కడ తేల్చుకోవాల్సింది వైసీపీ జనసేనలు మాత్రమే అని అంటున్నారు విశ్లేషకులు. జనసేన ఈ రోజుకు కూటమిలో ఉన్నా రానున్న కాలంలో ఏపీలో అధికారంలోకి రావాలని ఆశతోనే పనిచేస్తోంది కాబట్టి జనసేన టార్గెట్ 2029 అని ప్రచారంలో ఉంది. మరోవైపు అయిదేళ్ళ పాటు పాలించి 2024లో ఓడిన వైసీపీ టార్గెట్ కూడా 2029 ఎన్నికలే. ఈ ఎన్నికలు వైసీపీకి జీవన్మరణ సమస్యగా ఉండబోతాయి కనుక ఈసారి వైసీపీ పగడ్బందీగా ప్లాన్ చేసుకుంటుంది అనడంలో అతిశయోక్తి లేదు.
ఎందుకంటే ఒకవేళ ఆ ఎన్నికల్లో వైసీపీ ఓటమి పాలు అయితే తన ఉనికికే ఇబ్బంది. జనసేన కూడా ఇపుడు ఏపీలో పటిష్టంగా ఉంది. ఈసారి పవన్ కళ్యాణ్ సీఎం కుర్చీకే టార్గెట్ పెడతారు. ఈ తరుణంలో ఏపీలో టీడీపీని ఢీ కొనే పార్టీలలో జనసేన ముందు ఉంటుందా వైసీపీ ఉంటుందా అన్నది తేలాల్సి ఉంది. రానున్న రోజులలో వైసీపీ టీడీపీతో తలపడాలీ అంటే ముందు జనసేనతో పోటీ పడాలి. అంటే సెమీస్ గెలవాలి ఆ మీదట ఫైనల్స్ అన్న మాట. ఈ క్రమంలోనే రాబోయే రోజుల్లో సెమీస్ లో ఎవరు గెలుస్తారు అన్న విషయంపైన చర్చ నడుస్తోంది. ఏది ఏమైనా వైసీపీకి ఇది అత్యంత పరీక్షా సమయం అని అంటున్నారు. ఏ మాత్రం ఉదాశీనంగా ఉన్నా వైసీపీ ప్లేస్ ని జనసేన ఆక్రమించేసే ప్రమాదం ఉంది అని అంటున్నారు విశ్లేషకులు.