రషీద్ మర్డర్ పై స్పందించి నవ్వుల పాలైన వైసీపీ ఎంపీ..??
ఈ ఘటనపై అవినాష్ స్పందిస్తూ, రషీద్ హత్య ఆంధ్రప్రదేశ్లో టీడీపీ కూటమి ప్రభుత్వ అణచివేత పాలనకు నిదర్శనంగా నిలుస్తోందని అన్నారు. రషీద్ వైసీపీ కార్యకర్త అని పేర్కొంటూ హత్యకు రాజకీయ దురుద్దేశం ఉందని ఆయన అనుమానించారు. హత్యను ఖండిస్తూ అవినాష్ చేసిన వీడియో సోషల్ మీడియాలో కనిపించడంతో, అనేక ట్రోల్స్ ఒక్కసారిగా వెల్లువెత్తాయి.
ట్విట్టర్ యూజర్లు అవినాష్ కు తన సొంత మామ వివేకా హత్యలో ప్రమేయం ఉందని ఆరోపిస్తున్నారు ఒక మర్డరర్ మరో మర్డర్ గురించి మాట్లాడటం వ్యంగ్యంగా, హాస్యాస్పదంగా ఉందని అంటున్నారు. వివేకా హత్యకేసులో సీబీఐ విచారణలో ఉండగానే ఓ హత్యకేసు గురించి మాట్లాడటంలో అవినాష్ ధైర్యం ఏంటని నెటిజన్లు ప్రశ్నిస్తున్నారు. తప్పు చేసిన వాళ్లే నీతులు చెబుతున్నారు. ఈ కాలంలో ఇది బాగా ట్రెండ్ అయిపోయింది అని కొందరు దారుణంగా ట్రోలింగ్ చేస్తున్నారు. అతను రషీద్ హత్య గురించి మాట్లాడటం చూస్తుంటే నవ్వు వస్తోందంటూ కామెంట్ చేస్తున్నారు.
నిజానికి అవినాష్ ఇప్పటిదాకా ఎలాంటి కేసులో అపరాధిగా తేలలేదు కాబట్టి అతనిపై ముద్దాయిగా ముద్ర వేయడం అనేది చాలా తప్పు. ఏది ఏమైనా అధికారం కోల్పోయిన తర్వాత వైసీపీ వారిని బాగా టార్గెట్ చేస్తున్నారు. ఇప్పుడు జగన్ కూడా చాలామందికి జోకర్ లాగా కనిపిస్తున్నారు. వచ్చే ఆయుధాల తర్వాత వీళ్ళు మళ్ళీ అధికారంలోకి వస్తే ఇప్పుడు విమర్శించే వారే రేపు సైలెంట్ అయిపోతారు.