ఎస్సీ వర్గీకరణతో మారనున్న ఏపీ రాజకీయాలు.. జగన్‌కు లాభమా?
ఎస్సీ, ఎస్టీ వర్గీకరణపై సుప్రీంకోర్టు చారిత్రాత్మక తీర్పును ఇచ్చింది. సుప్రీంకోర్డు ప్రధాన న్యాయమూర్తి జస్టిస్ డీవై చంద్రచూడ్ నేతృత్వంలోని ఏడుగురు సభ్యుల ధర్మాసనం ఈ కీలక తీర్పును వెల్లడించింది. ధర్మాసనంలో జస్టిస్ బేలా త్రివేది ఒక్కరే వర్గీకరణకు వ్యతిరేకంగా ఓటు వేశారు. మిగిలిన వారంతా వర్గీకరణకు అనుకూలంగా తీర్పు వెలువరించారు. తద్వారా రాష్ట్రాలకు ఎస్సీ, ఎస్టీ వర్గీకరణ చేసుకునే అధికారం ఉందంటూ తీర్పు ఇచ్చారు. ఈ తీర్పు ప్రస్తుతం దేశవ్యాప్తంగా సంచలనం సృష్టిస్తోంది. దేశంలోనే ఎస్సీలు బలమైన సామాజిక వర్గం. వారిలోనూ ఉప కులాలు ఉన్నాయి. రిజర్వేషన్ ఫలాలను కేవలం కొన్ని కులాల వారు మాత్రమే అనుసరిస్తున్నారని ఉపకులాలు ఇప్పటి వరకు ఆవేదన వ్యక్తం చేశాయి. వర్గీకరణ ద్వారానే ఎస్సీల్లో అందరికీ సమన్యాయంగా రిజర్వేషన్ ఫలాలు లభిస్తాయని వారు వాదించారు. చివరికి సుదీర్ఘ వాదనల తర్వాత గత తీర్పును సుప్రీంకోర్టు పక్కన పెట్టింది. వర్గీకరణ జరగడానికి పచ్చజెండా ఊపింది. ఈ నిర్ణయం ప్రస్తుతం ఏపీ రాజకీయాల్లో తీవ్ర చర్చనీయాంశంగా మారింది. వర్గీకరణపై సుప్రీంతీర్పు ఏపీలో చంద్రబాబు, జగన్‌లలో ఎవరికి లాభించనుందోనని చర్చ సాగుతోంది.
తెలుగు రాష్ట్రాల్లో ఎస్సీ వర్గీకరణ అంశం కాక రేపనుంది. ఏపీలో మాలలు అధిక సంఖ్యలో, తెలంగాణలో మాదిగలు అధిక సంఖ్యలో ఉన్నారు. రిజర్వ్‌డ్ సీట్లు 29తో పాటు ఎన్నో నియోజకవర్గాల్లో మాలలు గెలుపోటములను శాసించే స్థితిలో ఉన్నారు. ఇప్పుడు వారంతా విద్య, ఉద్యోగాలలో తమకు నష్టం జరుగుతుందనే భావనలో ఉన్నారు. ఇక ఎస్సీ రిజర్వేషన్ కోసం 30 ఏళ్ల సుదీర్ఘ పోరాటాన్ని మందకృష్ణ మాదిగ చేశారు. ఎస్సీ వర్గీకరణపై సుప్రీంతీర్పు రాగానే ఆయన భావోద్వేగానికి గురయ్యారు. ఎస్సీ వర్గీకరణ జరగడానికి మోడీ, కిషన్ రెడ్డితో పాటు చంద్రబాబు ఎంతో కృషి చేశారని క్రెడిట్ ఇచ్చారు. దీంతో స్వతహాగా మాదిగల్లో మెజార్టీ శాతం చంద్రబాబుకే మద్దతుగా నిలవనున్నారు. అయితే ఇటీవల ఎన్నికల్లో మాలలు మాత్రమే కాకుండా అన్ని కులాల మద్దతు కూటమి ప్రభుత్వానికి లభించింది. ఏపీలో తొలి నుంచి మాలలు అధికంగా కాంగ్రెస్ పార్టీకి ఆ తర్వాత వైసీపీకి మద్దతుగా నిలుస్తూ వచ్చారు. ప్రస్తుతం మారిన తాజాగా పరిస్థితుల నేపథ్యంలో మాలలు జగన్ వైపు మొగ్గు చూపే అవకాశం ఉందని చర్చ సాగుతోంది. మరో వైపు చంద్రబాబు తాను ఎస్సీల్లో అన్ని కులాలను సమానంగా చూస్తానని చెబుతున్నారు. దీంతో మాలలు ఎటువైపు మొగ్గు చూపుతారోనని సర్వత్రా ఆసక్తికర చర్చ నడుస్తోంది.
తెలుగు రాష్ట్రాల్లో ఎస్సీ వర్గీకరణ అంశం కాక రేపనుంది. ఏపీలో మాలలు అధిక సంఖ్యలో, తెలంగాణలో మాదిగలు అధిక సంఖ్యలో ఉన్నారు. రిజర్వ్‌డ్ సీట్లు 29తో పాటు ఎన్నో నియోజకవర్గాల్లో మాలలు గెలుపోటములను శాసించే స్థితిలో ఉన్నారు. ఇప్పుడు వారంతా విద్య, ఉద్యోగాలలో తమకు నష్టం జరుగుతుందనే భావనలో ఉన్నారు. ఇక ఎస్సీ రిజర్వేషన్ కోసం 30 ఏళ్ల సుదీర్ఘ పోరాటాన్ని మందకృష్ణ మాదిగ చేశారు. ఎస్సీ వర్గీకరణపై సుప్రీంతీర్పు రాగానే ఆయన భావోద్వేగానికి గురయ్యారు. ఎస్సీ వర్గీకరణ జరగడానికి మోడీ, కిషన్ రెడ్డితో పాటు చంద్రబాబు ఎంతో కృషి చేశారని క్రెడిట్ ఇచ్చారు. దీంతో స్వతహాగా మాదిగల్లో మెజార్టీ శాతం చంద్రబాబుకే మద్దతుగా నిలవనున్నారు. అయితే ఇటీవల ఎన్నికల్లో మాలలు మాత్రమే కాకుండా అన్ని కులాల మద్దతు కూటమి ప్రభుత్వానికి లభించింది. ఏపీలో తొలి నుంచి మాలలు అధికంగా కాంగ్రెస్ పార్టీకి ఆ తర్వాత వైసీపీకి మద్దతుగా నిలుస్తూ వచ్చారు. ప్రస్తుతం మారిన తాజాగా పరిస్థితుల నేపథ్యంలో మాలలు జగన్ వైపు మొగ్గు చూపే అవకాశం ఉందని చర్చ సాగుతోంది. మరో వైపు చంద్రబాబు తాను ఎస్సీల్లో అన్ని కులాలను సమానంగా చూస్తానని చెబుతున్నారు. దీంతో మాలలు ఎటువైపు మొగ్గు చూపుతారోనని సర్వత్రా ఆసక్తికర చర్చ నడుస్తోంది.