ഹേമ കമ്മിറ്റി; സർക്കാർ പൂഴ്ത്തിവെച്ചത് ആരെ രക്ഷിക്കാൻ,വിഡി സതീശൻ!
ഹേമ കമ്മിറ്റി; സർക്കാർ പൂഴ്ത്തിവെച്ചത് ആരെ രക്ഷിക്കാൻ,വിഡി സതീശൻ! സിനിമ മേഖലയിൽ ലൈംഗിക ചൂഷണവും ക്രിമിനൽവത്ക്കരണവും അരാജകത്വവും ഉൾപ്പെടെ നടക്കുന്നുവെന്നാണ് റിപ്പോർട്ടിൽ പറയുന്നത്. ഇതുപോലൊരു റിപ്പോർട്ട് കിട്ടിയിട്ടും അത് പുറത്തുവിടാതെ അതിന്മേൽ അടയിരുന്നത് എന്തിന് വേണ്ടിയായിരുന്നുവെന്ന് വിഡി സതീശൻ ചോദിച്ചു. സിനിമ മേഖലയിലെ ചൂഷണം സംബന്ധിച്ച ഹേമ കമ്മിറ്റി റിപ്പോർട്ടിലെ സർക്കാർ പുറത്തുവിട്ട ഭാഗം ഞെട്ടിക്കുന്നതാണെന്ന് പ്രതിപക്ഷ നേതാവ് വിഡി സതീശൻ. സിനിമ മേഖലയിൽ ലൈംഗിക ചൂഷണവും ക്രിമിനൽവത്ക്കരണവും അരാജകത്വവും ഉൾപ്പെടെ നടക്കുന്നുവെന്നാണ് റിപ്പോർട്ടിൽ പറയുന്നത്.റിപ്പോർട്ടിലെ ശുപാർശകളിൽ സർക്കാർ അടിയന്തരമായി നടപടിയെടുക്കണം. ലൈംഗിക ചൂഷണത്തിനും ക്രിമിനൽവത്ക്കരണത്തിനും ലഹരി ഉപയോഗത്തിനും എതിരെ അന്വേഷണം നടത്തണം.
ലൈംഗിക ചൂഷണം സംബന്ധിച്ച അന്വേഷണത്തിന് സീനിയർ വനിത ഐപിഎസ് ഉദ്യോഗസ്ഥരുടെ നേതൃത്വത്തിലുള്ള സംഘത്തെ നിയോഗിക്കണം. എത്ര വലിയ കൊമ്പൻമാരാണെങ്കിലും ലൈംഗിക ചൂഷണം നടത്തിയവരെ നിയമത്തിന് മുന്നിൽ കൊണ്ടുവരികയെന്നത് സർക്കാരിന്റെ ചുമതലയാണെന്നും വിഡി സതീശൻ പറഞ്ഞു.സ്ത്രീപക്ഷ വർത്തമാനം പറയുന്നവർ അധികാരത്തിൽ ഇരിക്കുമ്പോൾ സ്ത്രീവിരുദ്ധത നടന്നിട്ടും ഒരു നടപടിയും സ്വീകരിക്കാത്തതും റിപ്പോർട്ട് പുറത്തുവിടാത്തതും ആരെ രക്ഷിക്കാനാണെന്നും ആർക്കു വേണ്ടിയായിരുന്നെന്നും മുഖ്യമന്ത്രി വ്യക്തമാക്കണമെന്നും വിഡി സതീശൻ ആവശ്യപ്പെട്ടു.ഏത് തൊഴിലിടങ്ങളിലും സ്ത്രീകൾക്ക് സുരക്ഷയോടെ ജോലി ചെയ്യാനുള്ള സാഹചര്യമുണ്ടാകണം. ഇത് കേരളത്തിന് തന്നെ അപമാനമാണ്.
ഇത്രയും പ്രധാനപ്പെട്ട ഒരു തൊഴിലിടത്തിൽ സ്ത്രീകൾക്ക് അഭിമാനത്തോടെ തൊഴിലെടുക്കാൻ പറ്റാത്ത ഒരു സാഹചര്യം ഉണ്ടെന്ന് മനസിലായിട്ടും സർക്കാർ മൗനം പാലിക്കുന്നത് കുറ്റകരമാണ്. തെളിവുകളും മൊഴികളുമുള്ള റിപ്പോർട്ട് കോൾഡ് സ്‌റ്റോറേജിൽ വെച്ചതിലൂടെ സർക്കാർ ഗുരുതരമായ കുറ്റമാണ് ചെയ്തതെന്നും അദ്ദേഹം അഭിപ്രായപ്പെട്ടു. ഒരു തൊഴിൽ മേഖലകളിലും ചൂഷണം നടക്കാൻ പാടില്ല. ഏതെങ്കിലും ഒരു സർക്കാർ ഓഫീസിലാണ് ഇതുപോലെ ലൈംഗിക ചൂഷണം നടന്നതെങ്കിൽ നടപടി എടുക്കുമായിരുന്നല്ലോ. പോക്സോ കേസുകൾ അടക്കമുള്ള ഗുരുതര കുറ്റകൃത്യങ്ങളാണ് സിനിമയിൽ നടക്കുന്നതെന്ന് റിപ്പോർട്ട് വ്യക്തമാക്കുന്നു. അടിയന്തരമായി അന്വേഷിച്ച് കുറ്റക്കാർക്കെതിരെ മുഖം നോക്കാതെ നടപടിയെടുക്കണമെന്ന് പ്രതിപക്ഷ നേതാവ് ആവശ്യപ്പെട്ടു.
ക്രിമിനൽ ഒഫൻസ് അറിഞ്ഞിട്ടും നടപടി എടുക്കാതെ മറച്ച് വയ്ക്കുന്നതും ക്രിമിനൽ കുറ്റമാണ്. അതുകൊണ്ടുതന്നെ സർക്കാരും മുഖ്യമന്ത്രിയും സാംസ്‌കാരിക മന്ത്രിയും ചെയ്തത് ക്രിമിനൽ കുറ്റമാണ്. ഇഷ്ടക്കാരെ സംരക്ഷിക്കുന്നതിന് വേണ്ടിയാണോ നാലരക്കൊല്ലം റിപ്പോർട്ടിന് മേൽ അടയിരുന്നതെന്ന് സർക്കാർ പറയണമെന്നും പ്രതിപക്ഷ നേതാവ് വിഡി സതീശൻ ആവശ്യപ്പെട്ടു. സ്ത്രീപക്ഷ വർത്തമാനം പറയുന്നവർ അധികാരത്തിൽ ഇരിക്കുമ്പോൾ സ്ത്രീവിരുദ്ധത നടന്നിട്ടും ഒരു നടപടിയും സ്വീകരിക്കാത്തതും റിപ്പോർട്ട് പുറത്തുവിടാത്തതും ആരെ രക്ഷിക്കാനാണെന്നും ആർക്കു വേണ്ടിയായിരുന്നെന്നും മുഖ്യമന്ത്രി വ്യക്തമാക്കണമെന്നും വിഡി സതീശൻ ആവശ്യപ്പെട്ടു.