తలసాని శ్రీనివాస్ యాదవ్:పార్టీలు మారిన తలెత్తుకు తిరిగే పదవులే.!
-కార్పొరేటర్ నుంచి మంత్రిగా.!
- టీడీపీలో మంత్రిగా బీఆర్ఎస్ లో కూడా మంత్రే.!
- తలసానా మజాకా.?
- టీడీపీలో మంత్రిగా బీఆర్ఎస్ లో కూడా మంత్రే.!
- తలసానా మజాకా.?
తలసాని శ్రీనివాస్ యాదవ్ రెండు తెలుగు రాష్ట్రాల్లో ఈయన తెలియని వారు ఉండరు. రాజకీయాల్లో తనదైన మార్క్ చూపిస్తూ దూసుకుపోతున్న తలసాని ఏ పార్టీలో ఉన్న ఘనుడే. కార్పొరేటర్ గా పోటీ చేసి, తన రాజకీయ అరంగేట్రం మొదలుపెట్టిన తలసాని చివరికి మంత్రిగా కూడా బాధ్యతలు చేపట్టారు. అలా తన రాజకీయంలో అంచలంచలుగా ఎదిగిన తలసాని శ్రీనివాస్ యాదవ్ రాజకీయ ప్రస్థానం ఎలా సాగింది ఆ వివరాలు చూద్దాం.
తలసాని రాజకీయం:
1986లో రాజకీయ అరంగేట్రం చేసినటువంటి తలసాని శ్రీనివాస్ యాదవ్, అదే ఏడాది మొండా డివిజన్ నుంచి ఎంసిహెచ్ కు కార్పోరేటర్ గా పోటీ చేశాడు. కానీ జనతాదళ్ అభ్యర్థి టీ పద్మారావు గౌడ్ చేతిలో ఓటమిపాలయ్యారు. ఆ తర్వాత 1994లో సికింద్రాబాద్ శాసనసభ నియోజకవర్గం నుంచి మరోసారి పోటీ చేసి కాంగ్రెస్ అభ్యర్థి అయినటువంటి మేరీ రవీంద్రనాథ్ ను ఓడించి మొదటిసారి అసెంబ్లీలో అడుగు పెట్టాడు. ఐదేళ్ల పాలనలో అద్భుతమైన అభివృద్ధి చేసిన తలసాని 1999లో జరిగినటువంటి ఎన్నికల్లో తెలుగుదేశం పార్టీ నుంచి సికింద్రాబాద్ ఎమ్మెల్యేగా పోటీ చేసి గెలుపొందారు. ఈ క్రమంలోనే ఆయన టాలెంట్ ను గుర్తించిన చంద్రబాబు నాయుడు మంత్రి పదవి కూడా అందించారు. అలాంటి తలసాని 2004లో మళ్లీ పోటీ చేశాడు.ఈ సమయంలోనే తెలంగాణ రాష్ట్ర సమితి అభ్యర్థి టీ పద్మారావు గౌడ్ చేతిలో ఓడిపోయారు. ఈ క్రమంలోనే తెలంగాణ ఉద్యమ నేపథ్యంలో చాలామంది టిఆర్ఎస్ ఎమ్మెల్యేలు రాజీనామా చేశారు.
2008లో ఉప ఎన్నికలు వచ్చాయి. ఈ టైంలో ఆయన మరోసారి పోటీ చేసి గెలుపొందారు. అలా కొన్నాళ్లపాటు పాలన అందించిన ఆయన 2014లో తెలంగాణ రాష్ట్ర ఏర్పడిన తర్వాత సనత్ నగర్ నియోజకవర్గం నుంచి టిడిపి అభ్యర్థిగా పోటీ విజయం సాధించాడు. ఆ తర్వాత జరిగిన పరిణామాల రిత్యా ఆయన తెలుగుదేశం పార్టీకి రాజీనామా చేసి టిఆర్ఎస్ లో చేరారు. అంతేకాదు చంద్రశేఖర్ రావు మంత్రిమండలిలో మంత్రి పదవి కూడా పొందారు. ఇక 2018లో అసెంబ్లీ ఎన్నికల్లో సనత్ నగర్ నుంచి మరోసారి పోటీ చేసి గెలుపొందారు. అప్పుడు కూడా కేసీఆర్ మంత్రివర్గంలో పశు సంవర్ధకశాఖ మంత్రిగా పనిచేశారు. ఈ విధంగా తలసాని శ్రీనివాస్ యాదవ్ ఉమ్మడి ఆంధ్రప్రదేశ్ రాష్ట్రంలో చంద్రబాబు ప్రభుత్వంలో పర్యాటక, కార్మిక శాఖ మంత్రిగా చేసి తెలంగాణ రాష్ట్రంలో కూడా కేసీఆర్ మంత్రివర్గంలో పశుసంవర్ధక శాఖ మంత్రి, పాడి పరిశ్రమ, సినిమాటోగ్రాఫర్ శాఖల మంత్రిగా చేశారు. ఈ విధంగా ఆయన ఏ పార్టీలో ఉన్న పదవులు మాత్రం కోల్పోకుండా దూసుకుపోతున్నారు. అలాంటి తలసాని ప్రస్తుతం కాంగ్రెస్ పార్టీలో చేరేందుకు సకల ప్రయత్నాలు చేస్తున్నట్టు తెలుస్తోంది.