പുതിയ ആണവനിലയം അതിരപ്പിള്ളിയിലോ; മറ്റൊരു പദ്ധതിയുമായി കേന്ദ്രം!
പുതിയ ആണവനിലയം അതിരപ്പിള്ളിയിലോ; മറ്റൊരു പദ്ധതിയുമായി കേന്ദ്രം! കോവളത്ത് മുഖ്യമന്ത്രി പിണറായി വിജയനും വൈദ്യുതി മന്ത്രി കെ കൃഷ്ണൻകുട്ടിയുമായി നടത്തിയ കൂട്ടിക്കാഴ്ച്ചയിലാണ് കേന്ദ്ര മന്ത്രി ഇക്കാര്യം അറിയിച്ചത്. സംസ്ഥാനത്തിൻറെ വൈദ്യുതി പ്രതിസന്ധി പരിഹരിക്കാൻ ആണവനിലയം സ്ഥാപിക്കുകയാണ് പോംവഴിയെന്നും മനോഹർ ലാൽ ഖട്ടർ പറഞ്ഞു.അനുയോജ്യമായ സ്ഥലം കണ്ടെത്തിയാൽ കേരളത്തിൽ ആണവ വൈദ്യുതി നിലയം സ്ഥാപിക്കുന്നതിൽ അനുമതി നൽകാമെന്ന് കേന്ദ്ര ഊർജ്ജ മന്ത്രി മനോഹർ ലാൽ ഖട്ടർ. കേരളത്തിൻറെ തീരങ്ങളിൽ തോറിയം അടങ്ങുന്ന മോണോ സൈറ്റ് നിക്ഷേപം ധാരാളം ഉണ്ടെന്ന് കേന്ദ്രമന്ത്രി പറഞ്ഞു. തോറിയം അടിസ്ഥാനമാക്കിയുള്ള ചെറു റിയാക്റ്റർ സ്ഥാപിച്ചാൽ ഉചിതം ആകുമെന്നാണ് കേന്ദ്ര മന്ത്രി അറിയിച്ചത്.
2025 മാർച്ച് – ജൂൺ മാസങ്ങളിൽ എൻടിപിസി താൽച്ചർ നിലയത്തിൽനിന്നുള്ള വൈദ്യുതി വിഹിതം ഇപ്പോഴത്തെ വിലയിൽ തന്നെ 400 മെഗാവാട്ടായി ഉയർത്തുകയും 5 വർഷം ലഭ്യമാക്കുകയും വേണമെന്നും കേരളം ആവശ്യപ്പെട്ടു. എൻടിപിസി ബാർ നിലയത്തിൽ നിന്നു 2025 മാർച്ച് വരെയുള്ള 177 മെഗാവാട്ട് വൈദ്യുതി വിഹിതം ജൂൺ വരെ നീട്ടണം. ഏപ്രിൽ, മേയ് മാസങ്ങളിൽ ഈ വിഹിതം 400 മെഗാവാട്ട് ആയി ഉയർത്തണം. രാജസ്ഥാൻ അറ്റോമിക് പവർ സ്റ്റേഷനിൽ നിന്ന് 350 മെഗാവാട്ട് മുൻഗണനാടിസ്ഥാനത്തിൽ ലഭ്യമാക്കണം. തുടങ്ങിയ ആവശ്യങ്ങളും കേരളം ഉന്നയിച്ചു.
കേരളത്തിലെ തോറിയം ഉപയോഗിച്ച് വൈദ്യുതി ഉൽപാദിപ്പിക്കാൻ സംസ്ഥാനത്തിനു പുറത്തു നിലയം സ്ഥാപിക്കാൻ സഹായിക്കണമെന്നും അതിൽനിന്നു കേരളത്തിന് അർഹമായ വൈദ്യുതി വിഹിതം അനുവദിക്കണമെന്നുമാണ് സംസ്ഥാന വൈദ്യുതി വകുപ്പ് കേന്ദ്രമന്ത്രിക്കു നൽകിയ നിവേദനത്തിൽ ആവശ്യപ്പെട്ടിരിക്കുന്നത്.
ആണവനിലയം സ്ഥാപിച്ചാൽ ഒന്നര കിലോമീറ്റർ ബഫർ സോണിനുള്ളിൽ ടൂറിസം ഉൾപ്പെടെ വലിയ പദ്ധതികൾ പാടില്ലെന്നു വ്യവസ്ഥയുണ്ട്. അതുകൊണ്ടാണ് അതിരപ്പിള്ളിയ്ക്ക് പകരം ചീമേനി പരിഗണിക്കുന്നത്. അതേസമയം ആണവനിലയ കേരളത്തിൻറെ തീരങ്ങളിൽ തോറിയം അടങ്ങുന്ന മോണോ സൈറ്റ് നിക്ഷേപം ധാരാളം ഉണ്ടെന്ന് കേന്ദ്രമന്ത്രി പറഞ്ഞു. തോറിയം അടിസ്ഥാനമാക്കിയുള്ള ചെറു റിയാക്റ്റർ സ്ഥാപിച്ചാൽ ഉചിതം ആകുമെന്നാണ് കേന്ദ്ര മന്ത്രി അറിയിച്ചത്.
സംസ്ഥാനത്ത് ആണവനിലയം സ്ഥാപിക്കാൻ ഏറ്റവും യോജിച്ച സ്ഥലം കാസർകോട് ചീമേനിയാണെന്നും കേന്ദ്ര ഊർജ്ജ മന്ത്രി അറിയിച്ചു. 150 ഏക്കർ ഭൂമി കണ്ടെത്തിയാൽ നിലയം സ്ഥാപിക്കാൻ അനുമതി നൽകുമെന്നാണ് മന്ത്രി പറഞ്ഞത്. തൃശൂർ അതിരപ്പിള്ളിയിലും കാസർകോട് ചീമേനിയിലും ആണവനിലയത്തിനായി സ്ഥലം കണ്ടെത്തിയിരുന്നു. എന്നാൽ, അതിരപ്പിള്ളിയിൽ വലിയ ടൂറിസം പദ്ധതി നടപ്പാക്കാൻ പോകുകയാണെന്ന് യോഗത്തിൽ പങ്കെടുത്ത കേന്ദ്രമന്ത്രി സുരേഷ് ഗോപി അറിയിക്കുകയായിരുന്നു.