ప్రపంచ రాజకీయ చదరంగంలో పావులు వేగంగా కదులుతున్నాయి. ఒకవైపు అమెరికాతో అంటకాగుతూనే, మరోవైపు తన చిరకాల మిత్రుడు రష్యాతో బంధాన్ని బలంగా నిలుపుకుంటున్న భారత్ ముందు, పుతిన్ ప్రభుత్వం ఒక భారీ వ్యూహాత్మక ఎత్తుగడ వేసింది. ఇది కేవలం ఆఫర్ కాదు, భారత వాయుసేన రూపురేఖలనే మార్చేసే ఒక సువర్ణావకాశం. ఈ డీల్ ఓకే అయితే, శత్రు దేశాల గుండెల్లో గుబులు పుట్టడం ఖాయం.
ఫ్రాన్స్ నుంచి మనం అత్యాధునిక రఫెల్ యుద్ధ విమానాలను కొనుగోలు చేస్తున్న వేళ, రష్యా తన అమ్ములపొదిలోని రెండు అత్యంత పదునైన అస్త్రాలను భారత్‌కు అందించడానికి ముందుకొచ్చింది. అమెరికా ఎఫ్-35 విమానాల గురించి మనం ఆలోచించని తరుణంలో, వాటికి దీటైన సమాధానంగా రష్యా ఈ ప్రతిపాదనను తెరపైకి తెచ్చింది.
సుఖోయ్ Su-57 (ఫెలాన్): ఇది మామూలు ఫైటర్ జెట్ కాదు. ఐదో తరం స్టెల్త్ టెక్నాలజీతో, శత్రువుల రాడార్ కళ్లకు చిక్కకుండా గాల్లో మాయమయ్యే ఒక దెయ్యం. ఆకాశంలో ఆధిపత్యం చెలాయించడంలో దీనికిదే సాటి. చైనా వద్ద ఉన్న జె-20కి ఇది సరైన పోటీదారు.
సుఖోయ్ Su-35: గగనతలంలో తిరుగులేని రారాజుగా పేరొందిన ఇది, ఒకేసారి గగనతలంలోనూ, భూమిపైనా ఉన్న లక్ష్యాలను ఛేదించగల మల్టీ-రోల్ సుపీరియారిటీ ఫైటర్. దీని విన్యాసాలకు, పోరాట పటిమకు ప్రపంచవ్యాప్తంగా మంచి పేరుంది.
ఈ ఆఫర్‌లో అసలైన కిక్ ఏంటంటే, రష్యా కేవలం విమానాలను అమ్మి చేతులు దులుపుకోవాలని చూడటం లేదు. ఈ రెండు రకాల విమానాలను పూర్తిగా "మేక్ ఇన్ ఇండియా" కార్యక్రమంలో భాగంగా భారత్‌లోనే తయారు చేసేందుకు రష్యా సంసిద్ధత వ్యక్తం చేసింది. సాంకేతికత బదిలీ (ToT) అసలు సిసలైన బ్రహ్మాస్త్రం. ఈ విమానాలకు సంబంధించిన పూర్తి టెక్నాలజీని భారత్‌కు అప్పగించడానికి రష్యా ఒప్పుకుంది. అంటే, భవిష్యత్తులో మనమే సొంతంగా ఇలాంటి విమానాలను అభివృద్ధి చేసుకునేందుకు మార్గం సుగమం అవుతుంది.
సర్వీసింగ్ కూడా మన చేతుల్లోకే: విమానాల సర్వీసింగ్, నిర్వహణ బాధ్యతలను కూడా భారతీయ సంస్థలకే అప్పగించేందుకు గ్రీన్ సిగ్నల్ ఇచ్చింది. ఇది మన రక్షణ రంగ పరిశ్రమలకు అతిపెద్ద బూస్ట్. ప్రస్తుతం మన వాయుసేన వద్ద ఉన్న 220 సుఖోయ్ Su-30 MKI విమానాల అసెంబ్లింగ్, నిర్వహణలో కొన్ని సమస్యలు తలెత్తుతున్న నేపథ్యంలో రష్యా ఈ మెగా ప్రపోజల్‌తో ముందుకు రావడం గమనార్హం. 114 మల్టీ-రోల్ ఫైటర్ ఎయిర్‌క్రాఫ్ట్ (MRFA) టెండర్ కోసం ప్రపంచ దేశాలు పోటీ పడుతుండగా, రష్యా ఈ డీల్‌తో అందరికంటే ఒక అడుగు ముందుకేసింది. సుఖోయ్-35 విమానాలను నేరుగా ఈ టెండర్‌లో భాగంగా అందించేందుకు సిద్ధంగా ఉన్నామని తేల్చిచెప్పింది.
ఈ డీల్ ఓకే అయితే భారత వాయుసేన బలం అమాంతం పెరిగిపోతుంది. ఒకే దెబ్బకు రెండు పిట్టలు అన్నట్లు, మన వాయుసేన ఆధునికీకరణ జరగడమే కాకుండా, "ఆత్మనిర్భర్ భారత్" కల కూడా సాకారమవుతుంది. ఇప్పుడు బంతి పూర్తిగా భారత ప్రభుత్వం కోర్టులో ఉంది. ఈ చారిత్రక ఆఫర్‌పై ఢిల్లీ ఎలాంటి నిర్ణయం తీసుకుంటుందోనని ప్రపంచ దేశాలు ఆసక్తిగా గమనిస్తున్నాయి.
ఫ్రాన్స్ నుంచి మనం అత్యాధునిక రఫెల్ యుద్ధ విమానాలను కొనుగోలు చేస్తున్న వేళ, రష్యా తన అమ్ములపొదిలోని రెండు అత్యంత పదునైన అస్త్రాలను భారత్‌కు అందించడానికి ముందుకొచ్చింది. అమెరికా ఎఫ్-35 విమానాల గురించి మనం ఆలోచించని తరుణంలో, వాటికి దీటైన సమాధానంగా రష్యా ఈ ప్రతిపాదనను తెరపైకి తెచ్చింది.
సుఖోయ్ Su-57 (ఫెలాన్): ఇది మామూలు ఫైటర్ జెట్ కాదు. ఐదో తరం స్టెల్త్ టెక్నాలజీతో, శత్రువుల రాడార్ కళ్లకు చిక్కకుండా గాల్లో మాయమయ్యే ఒక దెయ్యం. ఆకాశంలో ఆధిపత్యం చెలాయించడంలో దీనికిదే సాటి. చైనా వద్ద ఉన్న జె-20కి ఇది సరైన పోటీదారు.
సుఖోయ్ Su-35: గగనతలంలో తిరుగులేని రారాజుగా పేరొందిన ఇది, ఒకేసారి గగనతలంలోనూ, భూమిపైనా ఉన్న లక్ష్యాలను ఛేదించగల మల్టీ-రోల్ సుపీరియారిటీ ఫైటర్. దీని విన్యాసాలకు, పోరాట పటిమకు ప్రపంచవ్యాప్తంగా మంచి పేరుంది.
ఈ ఆఫర్‌లో అసలైన కిక్ ఏంటంటే, రష్యా కేవలం విమానాలను అమ్మి చేతులు దులుపుకోవాలని చూడటం లేదు. ఈ రెండు రకాల విమానాలను పూర్తిగా "మేక్ ఇన్ ఇండియా" కార్యక్రమంలో భాగంగా భారత్‌లోనే తయారు చేసేందుకు రష్యా సంసిద్ధత వ్యక్తం చేసింది. సాంకేతికత బదిలీ (ToT) అసలు సిసలైన బ్రహ్మాస్త్రం. ఈ విమానాలకు సంబంధించిన పూర్తి టెక్నాలజీని భారత్‌కు అప్పగించడానికి రష్యా ఒప్పుకుంది. అంటే, భవిష్యత్తులో మనమే సొంతంగా ఇలాంటి విమానాలను అభివృద్ధి చేసుకునేందుకు మార్గం సుగమం అవుతుంది.
సర్వీసింగ్ కూడా మన చేతుల్లోకే: విమానాల సర్వీసింగ్, నిర్వహణ బాధ్యతలను కూడా భారతీయ సంస్థలకే అప్పగించేందుకు గ్రీన్ సిగ్నల్ ఇచ్చింది. ఇది మన రక్షణ రంగ పరిశ్రమలకు అతిపెద్ద బూస్ట్. ప్రస్తుతం మన వాయుసేన వద్ద ఉన్న 220 సుఖోయ్ Su-30 MKI విమానాల అసెంబ్లింగ్, నిర్వహణలో కొన్ని సమస్యలు తలెత్తుతున్న నేపథ్యంలో రష్యా ఈ మెగా ప్రపోజల్‌తో ముందుకు రావడం గమనార్హం. 114 మల్టీ-రోల్ ఫైటర్ ఎయిర్‌క్రాఫ్ట్ (MRFA) టెండర్ కోసం ప్రపంచ దేశాలు పోటీ పడుతుండగా, రష్యా ఈ డీల్‌తో అందరికంటే ఒక అడుగు ముందుకేసింది. సుఖోయ్-35 విమానాలను నేరుగా ఈ టెండర్‌లో భాగంగా అందించేందుకు సిద్ధంగా ఉన్నామని తేల్చిచెప్పింది.
ఈ డీల్ ఓకే అయితే భారత వాయుసేన బలం అమాంతం పెరిగిపోతుంది. ఒకే దెబ్బకు రెండు పిట్టలు అన్నట్లు, మన వాయుసేన ఆధునికీకరణ జరగడమే కాకుండా, "ఆత్మనిర్భర్ భారత్" కల కూడా సాకారమవుతుంది. ఇప్పుడు బంతి పూర్తిగా భారత ప్రభుత్వం కోర్టులో ఉంది. ఈ చారిత్రక ఆఫర్‌పై ఢిల్లీ ఎలాంటి నిర్ణయం తీసుకుంటుందోనని ప్రపంచ దేశాలు ఆసక్తిగా గమనిస్తున్నాయి.