బాబు పై మాజీ ఎమ్మెల్యే గరం..గరం!
అధికారం నిలబెట్టుకోవడానికి చంద్రబాబు ఎన్నో అబద్ధాలు చెబుతున్నారని, గుంటూరు జిల్లాలో తన సామాజిక వర్గానికే ఎక్కువ సీట్లు ఇచ్చుకున్నారని తెలిపారు. గుంటూరు జిల్లాలో వైఎస్సార్సీపీ తరపున ముగ్గురు మహిళలకు వైఎస్ జగన్ సీట్లు ఇచ్చారని, సామాజిక సమత్యులత పాటించారని వెల్లడించారు. వైఎస్ జగన్కు ఒక్కసారి అవకాశం ఇస్తే రాజన్న పరిపాలన మళ్లీ చూస్తామన్న నమ్మకం తమకు ఉందని ఆమె అన్నారు.
మంగళగిరి స్థానాన్ని బీసీలకు కేటాయిస్తామని చెప్పి చంద్రబాబు మోసం చేశారని కాండ్రు కమల విమర్శించారు. నాయకులను కానీ ప్రజలను కానీ నమ్మించి మోసం చేయడంలో చంద్రబాబుకు మించిన వారు లేరని ఇందు మూలంగానే తెలుగుదేశం పార్టీకి రాజీనామా చేసినట్లు పేర్కొన్నారు కమల.
ఇంత దారుణమైన నీచమైన రాజకీయాలు చేసే చంద్రబాబుకి మరియు తెలుగుదేశం పార్టీ నాయకులకు రాబోయే ఎన్నికలలో ప్రజలు గట్టిగా బుద్ధి చెప్పాలని బీసీలకు అన్యాయం చేసిన చంద్రబాబు తగిన మూల్యం చెల్లించుకోవడం ఖాయం అని బీసీలు మొత్తం అప్రమత్తంగా ఉండాలని కాండ్రు కమల సూచించారు.