ఎలక్షన్ 2019 : బాబు ను చూసి ఊసరవెల్లి కూడా సిగ్గుపడుతుంది : షర్మిల
చంద్రబాబుది రెండు నాల్కల ధోరణి అని అన్నారు.చంద్రబాబు గడిచిన ఇన్నేయెల్లుగా చాలా సార్లు మాటలు మారుస్తూ వచ్చారని, ఊసరవెల్లి కూడా తన జీవిత కాలంలో ఇన్ని రంగులు మార్చి ఉండదు అని అన్నారు. చంద్రబాబును చూస్తే ఊసరవెల్లి కూడా సిగ్గుపడుతుంది అంటూ మండిపడ్డారు.ప్రత్యేక హోదా కోసం జగన్ నిరంతరం పోరాడుతున్నారని, కానీ దాన్ని నీరుగార్చింది మాత్రం చంద్రబాబేనని షర్మిళ అన్నారు.
అందుకే ముందు ప్రత్యేక ప్యాకేజీ ఇస్తే చాలని మళ్లీ ఆ తర్వాత ప్రత్యేక హోదా కావాలంటూ మాట మార్చారు. జగన్ ముందునుంచి ప్రత్యేక హోదా కావలని పోరాడుతున్నాడు కాబట్టి జగన్ కారణంగా బాబు మాట మార్చారని అని ఆమె అన్నారు.ఈ విషయంలో చంద్రబాబుకు దమ్ముంటే నిజం చెప్పాలని షర్మిళ సవాల్ చేశారు. షర్మిళ ప్రచారంలో వైసీపీ నేత గుడివాడ ఎమ్మెల్యే కొడాలి నాని పాల్గొన్నారు.