నోటి దుర్వాసన ఇబ్బంది ఇలా దూరం చేసుకోండి..!
నోటి దుర్వాసన ఇతరులకు ఇబ్బంది..
నోటి దుర్వాసన పొగొట్టే చిట్కాలు.
వెలగ ఆకు రసంలో నిమ్మ ఉప్పు కలిపి పుక్కిలించాలి. అలాగే, పల్లేరు ఆకు రసం, తేనె కలిపి పుక్కిలించినా ఫలితం ఉంటుంది.
నోటి పూతను సులువుగా తగ్గించుకోవచ్చు. జామ ఆకులను నమిలి ఉమ్మివేయాలి. ఇలా క్రమం తప్పకుండా కొద్ది రోజులు చేస్తే తగ్గిపోతుంది.
లేత నేరేడు ఆకు కషాయం పుక్కిలించినా నోటి పూత తగ్గిపోతుంది.
గొబ్బి ఆకు (ముళ్ళ గోరింట) ఆకు నమిలి ఉమ్మేయాలి. అలాగే, పల్లేరు రసంలో తేనె కలిపి పూసినా నోటిపూత ఇట్టే తగ్గిపోతుంది.
పతిరోజూ ఉదయం, రాత్రి… రెండుమార్లు పళ్లు తోముకోండి.
బ్రషింగ్ తర్వాత టంగ్క్లీనర్తో నాలుకను శుభ్రం చేసుకోండి. నాలుకపైనున్న బ్యాక్టీరియాను తొలగించుకోవడానికి కనీసం 30 సెకన్ల పాటు స్క్రబ్ చేయండి.
చిగుళ్లపై పుళ్లు ఉన్నప్పుడు తప్పనిసరిగా డెంటిస్ట్ను కలిసి పరీక్షలు చేయించుకోండి.
కొన్నిసార్లు దంతాల్లో పిప్పిపళ్లు ఉన్నప్పుడు ఫిల్లింగ్ చేయించుకోవాలి. వాటిని నిర్లక్ష్యం చేయకూడదు.
ఆహారం సరిగా జీర్ణం కాకుండా గ్యాస్ వస్తున్నప్పుడు, సైనస్, టాన్సిల్స్ వంటివి ఉన్నప్పుడు, మధుమేహం లాంటి వ్యాధులు ఉన్నప్పుడు తప్పనిసరిగా వాటికి తగిన చికిత్స తీసుకోవాలి.
కొవ్వులేని పెరుగు తీసుకోవాలి. అంటే అన్నంలో గానీ, పంచదార కలుపుకుని కాని తినడం కాదు. ఒట్టి పెరుగును దేనిలోనూ కలపకుండా తింటే పళ్లకు పట్టిన గార, నోటి పూత తగ్గుతాయి.
జీర్ణ ప్రక్రియ సవ్యంగా జరిగితే నోరు శుభ్రంగా తయారవుతుంది. దీనికోసం అనాసకాయ ముక్కలను తినండి. దీనిలోని బ్రొమిలెయిన్ అనే ఎంజైమ్ జీర్ణ ప్రక్రియ సవ్యంగా జరిగేలా చేస్తుంది.
దుర్వాసనను తగ్గించుకోవడానికి మౌత్ వాష్నో లేదా మింట్ చిక్లెట్స్నో కొనేకంటే నోటి దుర్వాసనను కలుగజేసే బాక్టీరియాను తగ్గించుకుంటే ఇబ్బంది ఉండదు. నోటిలో బాక్టీరియా తగ్గించుకోవాలంటే పైన చెప్పిన వాటిలో కొన్ని వరుసగా పాటిస్తే చాలు.