ആറ്റൂർ രവിവർമ്മ അന്തരിച്ചു.
പ്രമുഖ മലയാളം കവിയും വിവര്ത്തകനുമായ ആറ്റൂര് രവിവര്മ (88) അന്തരിച്ചു. തൃശ്ശൂരിലെ സ്വകാര്യ ആശുപത്രിയില് വെച്ചായിരുന്നു അന്ത്യം. ന്യൂമോണിയ ബാധിച്ച് ചികിത്സയിലായിരുന്നു.
കേരള സാഹിത്യ അക്കാദമി പുരസ്കാരം, കേന്ദ്ര സാഹിത്യ അക്കാദമി പുരസ്കാരം, എഴുത്തച്ഛന് പുരസ്കാരം തുടങ്ങി നിരവധി പുരസ്കാരങ്ങള് അദ്ദേഹത്തിന് ലഭിച്ചിട്ടുണ്ട്.
തൃശ്ശൂര് ജില്ലയിലെ ആറ്റൂര് എന്ന ഗ്രാമത്തില് 1930 ഡിസംബര് 27 ന് കൃഷ്ണന് നമ്പൂതിരിയുടെയും അമ്മിണിയമ്മയുടെയും മകനായാണ് അദ്ദേഹം ജനിച്ചത്. മലയാളത്തില് ബിരുദാനന്തര ബിരുദം. വിവിധ ഗവണ്മെന്റ് കോളേജുകളില് മലയാളം പ്രൊഫസറായി സേവനമനുഷ്ഠിച്ചിട്ടുണ്ട്.
സാഹിത്യ അക്കാദമി ജനറല് കൌണ്സിലില് 2002 മുതല് 2007 വരെ അംഗമായിരുന്നു. 1976 മുതല് 1981 വരെ കോഴിക്കോട് സര്വ്വകലാശാലാ സിന്ഡിക്കേറ്റ് മെമ്പര് ആയിരുന്നു.1996ല് ആറ്റൂര് രവിവര്മ്മയുടെ കവിതകള് എന്ന കൃതിക്ക് കേരള സാഹിത്യ അക്കാദമി പുരസ്കാരവും ലഭിച്ചു.