മധ്യപ്രേേദശിൽ കാറപകടം : 4 ഹോക്കി താരങ്ങൾ മരിച്ചു.
ഭോപ്പാല്‍: മധ്യപ്രദേശിലെ ഹൊഷംഗബാദിലുണ്ടായ കാറപകടത്തില്‍ നാല് ഹോക്കി താരങ്ങള്‍ മരിച്ചു. മധ്യപ്രദേശ് ഹോക്കി അക്കാദമിയില്‍ പരിശീലനം നടത്തുന്ന താരങ്ങളാണ് കൊല്ലപ്പെട്ടത്. തിങ്കളാഴ്ച രാവിലെ ദേശീയപാത 69ൽ റയ്സാൽപുർ ഗ്രാമത്തിൽ വെച്ചാണ് അപകടമുണ്ടായത്. അപകടത്തിൽ മൂന്നുപേർക്ക് പരിക്കേറ്റു.
ധ്യാൻ ചന്ദ്ര ട്രോഫി ഹോക്കി മത്സരത്തിനായി ഹൊഷംഗബാദിൽ നിന്നും ഇതാർസിയിലേക്ക് പോകുകയായിരുന്നു സംഘമാണ് അപകടത്തിൽപെട്ടത്.
ഇവര്‍ സഞ്ചരിച്ച കാര്‍ നിയന്ത്രണം വിട്ട് റോഡരികിലെ മരത്തിലിടിച്ച് താഴേക്ക് മറിയുകയായിരുന്നു.
പരിക്കേറ്റവരെ സമീപത്തെ സ്വകാര്യ ആശുപത്രിയില്‍ ചികിത്സയിലാണ്. ഇതില്‍ ഒരാളുടെ നില ഗുരുതരമാണെന്നാണ് റിപ്പോര്‍ട്ട്.