చెన్నైసూపర్ కింగ్స్ నుండి నన్ను విడిచిపెట్టండి -ధోని
తన జట్టు చెన్నై సూపర్ కింగ్స్ కోసం ఏ కెప్టెన్ తీసుకోని నిర్ణయం తీసుకొని నిజమైన నాయకుడు అనిపించుకుంటున్నాడు భారత మాజీ సారథి మహేంద్ర సింగ్ ధోని. ఐపీఎల్ లో చెన్నై ను తిరుగులేని టీంగా నిలబెట్టడంలో ధోని పాత్ర గురించి ప్రత్యేకించి చెప్పనక్కర్లేదు. ఐపీఎల్ ప్రారంభమైనప్పటినుండి చెన్నైకే ప్రాతినిధ్యం వహిస్తూ వస్తున్నాడు ధోని. మధ్యలో ఓ రెండు ఏళ్ళు చెన్నై టీం నిషేదానికి గురి కావడంతో వేరే జట్టుకు ఆడినా ధోని.. చెన్నై మళ్ళీ రీ ఎంట్రీ ఇచ్చాక ఆ జట్టుతోనే తన ప్రస్థానాన్ని కొనసాగించాడు. ఇప్పటివరకు మూడు సార్లు చెన్నై ను ఛాంపియన్ గా నిలబెట్టిన ధోని ఈసీజన్ లో తన టీం ను ఫైనల్ వరకు తీసుకొచ్చాడు.