అంచనాల్లేకుండా వచ్చి.. అద్భుతమే చేస్తున్నారు?
అయితే అదే ప్రపంచ కప్ టోర్నీలో కొన్ని చిన్న టీమ్స్ ఉన్నప్పటికీ ప్రధాన పోటీ మాత్రం కేవలం అగ్రశ్రేణి టీమ్స్ మధ్య మాత్రమే ఉంటుందని అంచనా వేస్తూ ఉంటారు. అయితే ప్రస్తుతం వెస్టిండీస్ యూఎస్ వేదికగా జరుగుతున్న టి20 ప్రపంచ కప్ టోర్నీలో కూడా ఇదే అనుకున్నారు. ఇక ఇప్పటికే ఛాంపియన్గా నిలిచిన ఏదో ఒకటి మరోసారి టైటిల్ ఎగరేసుకుపోతుంది అనుకున్నారు. కానీ ఊహించని రీతిలో పెద్ద జట్లు చెత్త ప్రదర్శన చేస్తూ ఉంటే.. చిన్న టీమ్స్ మాత్రం అదరగొట్టేస్తూ ఉన్నాయి. అంచనాలకు మించి రాణిస్తూ ఏకంగా ఛాంపియన్ జట్లకు సైతం షాక్ లు ఇస్తూ ఉన్నాయి చిన్న టీమ్స్.
ఇలా టి20 వరల్డ్ కప్ మొదలు కావడానికి ముందు యుఎస్ఏ, నేపాల్, ఆఫ్ఘనిస్తాన్, స్కాట్లాండ్ జట్లు కనీసం పోటీలో ఉంటాయని కూడా ఎవరు భావించలేదు. అలాంటిది వీటిలో అమెరికా, ఆఫ్ఘనిస్తాన్ జట్లు ఇప్పటికే ఛాంపియన్ టీం సైతం ఓడించి సూపర్ 8 కి దూసుకువెళ్లాయి. అదే సమయంలో ఈ వరల్డ్ కప్ లో అరవీర భయంకరమైన సౌతాఫ్రికా జట్టును నేపాల్ లాంటి చిన్న టీం దాదాపు ఓడించినంత పని చేసేసింది. అయితే ఆస్ట్రేలియా, ఇంగ్లాండ్ లాంటి ఛాంపియన్ టీమ్స్ ఉన్న గ్రూప్ బిలో స్కాట్లాండ్ రెండవ స్థానంలో కొనసాగుతోంది. దీంతో చిన్న టీమ్స్ అయినా ఈ జట్లు కసితో ఆడుతున్నాయని క్రికెట్ విశ్లేషకులు అనుకుంటున్నారు.