రోహిత్ సాధించిన ఈ రికార్డును.. ఎవరైనా బ్రేక్ చేయగలరా?
కేవలం కెప్టెన్ గా ఆకట్టుకోవడమే కాదు వ్యక్తిగత ప్రదర్శన విషయంలో కూడా అదరగొట్టేసాడు రోహిత్ శర్మ. ఈ క్రమంలోనే టీమ్ ఇండియాకు వరల్డ్ కప్ అందించాలి అనే కలను నెరవేర్చుకుని 140 కోట్ల మంది భారతీయుల ఆకాంక్షను నెరవేర్చాడు అని చెప్పాలి. అయితే ఇలా వరల్డ్ కప్ గెలిచిన వెంటనే ఇక ఇదే శుభ సందర్భంలో తన అంతర్జాతీయ టి20 కెరియర్ కు కూడా రోహిత్ శర్మ రిటైర్మెంట్ ప్రకటించాడు అన్న విషయం తెలిసిందే. అయితే ఇప్పటివరకు రోహిత్ శర్మ టి20 ఫార్మాట్లో ఎన్నో అరుదైన రికార్డులు సృష్టించారు. మరి ఆ రికార్డును ఎవరు బద్దలు కొడతారు అన్న విషయం కాస్త ప్రస్తుతం హాట్ టాపిక్ గా మారిపోయింది.
అంతర్జాతీయ టి20 లో అత్యధిక పరుగులు (4231) రికార్డు రోహిత్ శర్మ పేరిటే ఉంది. ఇక అత్యధిక సెంచరీలు (5) రికార్డు కూడా రోహిత్ పేరిటే ఉంది. ఇక అత్యధిక సిక్సర్లు (205) రికార్డులు హిట్ మ్యాన్ సాధించాడు. మరి ఇప్పుడు అంతర్జాతీయ టి20 కెరియర్ కు రోహిత్ రిటైర్మెంట్ ప్రకటించిన నేపథ్యంలో అతని పేరిట ఉన్న ఈ అరుదైన రికార్డులను బద్దలు కొట్టబోయే ప్లేయర్ ఎవరు అన్నది ఆసక్తికరంగా మారిపోయింది. అంతేకాకుండా తొమ్మిది టి20 వరల్డ్ కప్ లు ఆడిన ఏకైక ప్లేయర్ కూడా రోహిత్ శర్మ కావడం గమనార్హం. కెప్టెన్ గాను అంతర్జాతీయ టి20 లలో అత్యధిక మ్యాచ్ లు (50) గెలిచాడు. ఇక రానున్న రోజుల్లో ఈ రికార్డును బద్దలు కొట్టబోయే ప్లేయర్ ఎవరు అనేది హాట్ టాపిక్ గా మారింది.