టీమిండియాలో అడుగు పెట్టాడో లేదో.. రికార్డుల వేట మొదలెట్టాడు?
ఇకపోతే 3 ఇన్నింగ్స్ల వ్యవధిలో దీపక్ హుడా శతకం మధించగా, 4 ఇన్నింగ్స్ వ్యవధిలో కేఎల్ రాహుల్ సెంచరీ సాధించాడని విషయం అందరికీ తెలిసినదే. ఇక అంతర్జాతీయంగా తీసుకుంటే టీ20ల్లో అత్యంత వేగంగా సెంచరీ చేసిన 4వ భారత బ్యాటర్గా కూడా అభిషేక్ శర్మ గుర్తింపు పొందడం విశేషం. ఈ జాబితాలో 38 బంతుల్లో సెంచరీతో రోహిత్ శర్మ అగ్రస్థానంలో ఉండగా.. సూర్యకుమార్ యాదవ్(45), KL రాహుల్(46), అభిషేక్ శర్మ(46) తర్వాతి స్థానాల్లో ప్రస్తుతం కొనసాగుతున్నారు. ఈ మ్యాచ్లో 8 సిక్స్లు బాదిన అభిషేక్ శర్మ.. ఈ ఏడాది ప్రొఫెషనల్ టీ20 క్రికెట్లో అత్యధిక సిక్స్లు బాదిన భారత బ్యాటర్గా రికార్డుల్లోకి ఎక్కాడు.
ఈ మ్యాచ్లో ముందుగా బ్యాటింగ్ కి దిగిన టీమిండియా నిర్ణీత 20 ఓవర్లలో 2 వికెట్లకు 234 పరుగులు సాధించింది. ఈ క్రమంలో అభిషేక్ శర్మ శతకం సాధించగా, రుతురాజ్ గైక్వాడ్(47 బంతుల్లో 11 ఫోర్లు, సిక్స్తో 77 నాటౌట్) హాఫ్ సెంచరీతో సత్తా చూపించాడు. ఇక జింబాబ్వే బౌలర్లలో బ్లెస్సింగ్ ముజర్బానీ, వెల్లింగ్టన్ మసకడ్జా తలో వికెట్ తీసారు. మొత్తంగా ఈ ఏడాది 18 టీ20 మ్యాచ్లు ఆడిన అభిషేక్ శర్మ 50 సిక్స్లు బాదగా.. రోహిత్ శర్మ 25 మ్యాచ్ల్లో 46 సిక్స్లతో 2వ స్థానంలో కొనసాగుతున్నాడు. 25 మ్యాచ్లే ఆడిన విరాట్ కోహ్లీ 45 సిక్స్లతో మూడో స్థానంలో కొనసాగుతుండగా.. శివమ్ దూబే(41), రియాన్ పరాగ్(33), రిషభ్ పంత్(31) తర్వాతి స్థానాల్లో ఉన్నారు.