త్వరలో రింకు సింగ్ కు.. లక్కీ చాన్స్ దక్కబోతుందా?
ఇలా ఇండియన్ ప్రీమియర్ లీగ్ లో ఆడి కేవలం ఒకే ఒక ఇన్నింగ్స్ ద్వారా ప్రతి ఒక్కరికి కూడా సుపరిచితుడుగా మారిపోయాడు రింకు సింగ్. భారత క్రికెట్ ప్రేక్షకులు అందరికీ కూడా అటు సిక్సర్ల కింగ్ గా మారిపోయాడు అని చెప్పాలి. అతను బ్యాట్ పట్టుకొని మైదానంలోకి దిగాడు అంటే చాలు బౌలర్ల వెన్నులో వణుకు పుట్టాల్సిందే. ఆ రేంజ్ లో బ్యాటింగ్ విధ్వంసాన్ని సృష్టిస్తూ ఉంటాడు ఈ యంగ్ ప్లేయర్. ఇక ఇప్పటికే టీమ్ ఇండియా తరపున వన్డేలతో పాటు టి20 ఫార్మాట్ లోకి కూడా ఎంట్రీ ఇచ్చాడు అన్న విషయం తెలిసిందే. అయితే రింకు సింగ్ ని సుదీర్ఘమైన ఫార్మాట్ గా పేరు ఉన్న టెస్ట్ లలోకి కూడా తీసుకోవాలని.. అలా తీసుకుంటే టీమ్ ఇండియాకు తిరుగు ఉండదు అంటూ ఎంతో మంది మాజీ ప్లేయర్లు కూడా అభిప్రాయపడుతున్నారు.
అయితే టీమిండియా యంగ్ ప్లేయర్ రింకు సింగ్ త్వరలోనే టెస్ట్ క్రికెట్ లోకి ఎంట్రీ ఇచ్చి అవకాశాలు ఎక్కువగానే కనిపిస్తున్నాయి అనేది తెలుస్తుంది. తాజాగా రింకు సింగ్ ఆటపై భారత మాజీ కోచ్ విక్రమ్ రాథోడ్ ఆసక్తికర వ్యాఖ్యలు చేశాడు. టి20 వరల్డ్ కప్ సమయంలో నెట్స్ లో రింకు సింగ్ ప్రాక్టీస్ చేస్తున్నప్పుడు.. అతని బ్యాటింగ్లో ఎక్కడ టెక్నికల్ సమస్యలు కనిపించలేదని చెప్పుకొచ్చాడు. నెట్ ప్రాక్టీస్ సమయంలో రింకు సింగ్ లో ఒక టెస్ట్ క్రికెట్ ఉన్నాడు అన్న విషయాన్ని గమనించానని.. అతను త్వరలోనే టెస్టుల్లోకి రావాలని కోరుకుంటున్నట్లు చెప్పుకొచ్చాడు. ఇక అతనికి సాంప్రదాయమైన క్రికెట్ ఆడే సత్తా ఉంది అంటూ అభిప్రాయపడ్డాడు విక్రమ్ రాథోడ్. దీంతో అతను త్వరలోనే టెస్ట్ క్రికెట్ జట్టులోకి వచ్చే అవకాశాలు ఎక్కువగా ఉన్నట్లు వార్తలు వస్తున్నాయి.