ఆటగాళ్ళను ఇబ్బందికి గురిచేసే యాంటీ సెక్స్ బెడ్స్..?
పారిస్ ఒలింపిక్స్ 2024కు సమయం దగ్గరపడుతోంది. మరో ఐదు రోజుల్లో విశ్వక్రీడలు ప్రారంభం కానున్నాయి. జులై 26 నుంచి ఆగస్టు 11 వరకు ఒలింపిక్స్ జరగనున్నాయి. విశ్వక్రీడలను ఘనంగా నిర్వహించేందుకు పారిస్ అన్ని రకాల ఏర్పాట్లు చేసింది. ఈ క్రమంలోనే క్రీడాకారుల కోసం ఒలింపిక్ విలేజ్‌లో భిన్న ఏర్పాట్లు చేశారు.ఈ సారి ఒలింపిక్స్ ఆరంభ వేడుక‌ల‌ను కాస్త భిన్నంగా చేయ‌నున్నారు. ఒలింపిక్స్ ఓపెనింగ్ సెర్మ‌నీని సెన్ న‌దిపై నిర్వ‌హించ‌నున్నారు. కాగా.. ఆరంభ వేడుక‌లు స్టేడియంలో కాకుండా ఆరు బ‌య‌ట న‌దిలో జ‌ర‌గ‌డం ఇదే తొలిసారి కానుంది.ఒలింపిక్స్ అంటే క్రీడాగ్రామంలో సౌకర్యాలపై చర్చ మొదలవడం సాధారణం. గతంలోలాగే ఈసారీ అథ్లెట్లకు కేటాయించిన బెడ్‌లపై విమర్శలు వెల్లువెత్తుతున్నాయి. శృంగారం కట్టడి కోసం అథ్లెట్ల గదుల్లో తక్కువ సామర్ధ్యమున్న బెడ్‌లు అంటే.. ‘యాంటీ సెక్స్ బెడ్స్’ ఏర్పాటు చేశారన్న ఆరోపణలు వినిపిస్తున్నాయి. గత టోక్యో విశ్వక్రీడల్లో కరోనా వైరస్‌ దృష్ట్యా అథ్లెట్లు శృంగార కార్యకలాపాల్లో పాల్గొనకుండా నిరోధించడం కోసం అట్టలతో (కార్డ్‌బోర్డ్‌తో) చేసిన బెడ్‌లను అథ్లెట్ల గదుల్లో ఉంచారన్న వ్యాఖ్యలు వినిపించాయి. అయితే, అట్టలతో చేసినా అవి దృఢంగా ఉంటాయనీ.. యాంటీ సెక్స్ బెడ్స్ మాత్రం కాదని అప్పట్లోనే నిర్వాహకులు వాటిని ఖండించారు. తాజాగా పారి్‌సలోని క్రీడాగ్రామంలో ఇదే తరహా బెడ్‌లు దర్శనమిస్తున్నాయన్న వార్తలు హల్‌చల్‌ చేస్తున్నాయి.ఒలింపిక్స్‌లో పాల్గొనే క్రీడాకారుల కోసం నివాసం క‌ల్పించే ఒలింపిక్ విలేజ్‌లో సైతం భిన్న‌మైన ఏర్పాట్లు చేస్తున్నారు.