2025 ఐపీఎల్.. ఈసారి ఎక్కడ చూడొచ్చంటే?
2025 ఐపీఎల్ మ్యాచ్‌లు ఎక్కడ ప్రసారమవుతాయి, వాటిని ఎక్కడా చూడగలం అని ఫ్యాన్స్ ఆల్రెడీ ప్రశ్నించడం స్టార్ట్ చేశారు ఈ నేపథ్యంలోనే ఒక కీలకమైన అప్‌డేట్ వచ్చింది. అదేంటంటే ఇకపై భారతదేశంలో జరిగే అన్ని పెద్ద పెద్ద క్రీడా మ్యాచ్‌లు, ముఖ్యంగా IPL క్రికెట్ మ్యాచ్‌లు అన్నీ కూడా డిస్నీ హాట్‌స్టార్‌ అనే యాప్‌లో ప్రసారం కానున్నాయి. ఇక్కడ మాత్రమే ఈ మ్యాచ్ లు చూడొచ్చు.
గతంలో డిస్నీ కంపెనీ, ముకేశ్ అంబానీ రిలయన్స్ కంపెనీ కలిసి జియో సినిమా పేరిట ఓ కొత్త కంపెనీని స్టార్ట్ చేశాయి. ఈ కొత్త కంపెనీలో రిలయన్స్ కంపెనీకి ఎక్కువ వాటా ఉంది. కానీ, ఇప్పుడు అన్ని క్రీడా మ్యాచ్‌ల హక్కులు డిస్నీ హాట్‌స్టార్‌ దగ్గర ఉండబోతున్నాయి. అయితే హాట్‌స్టార్‌ పేరు మారుతుందా లేదా అనేది ఇంకా ఖరారు కాలేదు.
ఫిబ్రవరిలో, డిస్నీ, రిలయన్స్ కంపెనీలు కలిసి జియో సినిమా పేరిట కొత్త కంపెనీని స్థాపించాయి. ఈ కొత్త కంపెనీ ఇండియాలో అతిపెద్ద ఎంటర్‌టైన్‌మెంట్ కంపెనీ అయింది. ఈ కొత్త కంపెనీ దగ్గర 120 టీవీ ఛానెల్స్, రెండు స్ట్రీమింగ్ యాప్స్ ఉన్నాయి. ఈ యాప్స్ ఇష్టమైన సినిమాలు, సీరియల్స్, క్రీడా మ్యాచ్‌లు చూపిస్తాయి. ఇప్పుడు సమస్య ఏంటంటే, ఈ రెండు యాప్స్‌లో ఏ యాప్‌లో ఏ క్రీడా మ్యాచ్‌లు చూడాలి అనేది కొంచెం గందరగోళంగా ఉంది. ఉదాహరణకి, రిలయన్స్ జియో యాప్‌లో IPL క్రికెట్, ఇతర కొన్ని క్రీడా మ్యాచ్‌లు చూడొచ్చు. డిస్నీ యాప్‌లో ఇంకొన్ని క్రీడా మ్యాచ్‌లు చూడొచ్చు.
ఈ కొత్త కంపెనీలో క్రీడా మ్యాచ్‌లు అన్నీ హాట్‌స్టార్‌ అనే యాప్‌లోనే ప్రసారం చేయాలని నిర్ణయించుకున్నారు. దీనికి కారణం, హాట్‌స్టార్‌ యాప్‌కి లైవ్ మ్యాచ్‌లను చాలా బాగా ప్రసారం చేసే టెక్నాలజీ ఉంది. అంటే, కోట్లాది మంది ఒకేసారి మ్యాచ్‌లు చూసినా కూడా హాట్‌స్టార్‌ యాప్‌ స్లో అయ్యే ప్రమాదం ఉండదు. అంతేకాకుండా, మనకు ఇష్టమైన వస్తువుల ప్రకటనలను చూపించడంలో కూడా హాట్‌స్టార్‌ చాలా నైపుణ్యం సాధించింది.