మహేష్ బాబు పై కామెంట్స్ చేసిన బాలీవుడ్ స్టార్ సల్లుభాయ్.!
బిగ్‌బాస్‌ రియాలిటీ షోస్ కు ఉన్న క్రేజ్ గురించి ప్రత్యేకంగా చెప్పక్కర్లేదు. బుల్లితెర ప్రేక్షకులకు అమితమైన వినోదాన్ని అందించడంలో ఈ రియాలిటీ షోస్ ముందుంటాయి. ఇక ఇందులో పాల్గొన్న కంటెస్టెంట్స్ కు పేరుకు పేరు, డబ్బు, పాపులారిటీ కూడా పెరుగుతుంది. అందుకే తెలుగు, తమిళ, మలయాళ, కన్నడ, మరాఠీ, హిందీ భాషల్లో బిగ్‌బాస్‌ షోస్ సక్సెస్ ఫుల్ గా రన్ అవుతున్నాయి. ప్రస్తుతం తెలుగులో ఎనిమిదో సీజన్ నడుస్తుండగా హిందీ లో బిగ్ బాస్ సీజన్ 18 ప్రారంభమైంది.బాలీవుడ్ సూపర్ స్టార్ సల్మాన్ ఖానే ఈ సీజన్ కు హోస్ట్ గా వ్యవహరిస్తున్నారు.ప్రస్తుతం హిందీలో నడుస్తున్న తాజా సీజన్ బిగ్ బాస్ షోలో మహేష్ బాబు మరదలు శిల్పా శిరోద్కర్ కంటెస్టెంట్ గా ఉన్న విషయం తెలిసిందే.అయితే రీసెంట్ గా ఓ ఎపిసోడ్ లో శిల్పా శిరోద్కర్ తో సల్మాన్ ఖాన్ మాట్లాడుతూ మహేష్ బాబు ప్రస్తావన తెచ్చారు.శిల్పా మీ బావ మహేష్ బాబు స్క్రీన్ మీద యాక్షన్, ఆటిట్యూడ్, డిఫరెంట్ స్టైల్ తో కనిపిస్తారు. కానీ బయట రియల్ లైఫ్ లో మాత్రం ఆయన ఒక సాధారణ ఫ్యామిలీ మ్యాన్. చాలా సింపుల్ గా ఉంటాడు" అంటూ సూపర్ స్టార్ పై ప్రశంసల వర్షం కురిపించారు.
అయితే ఇదంతా ఎందుకంటే మహేష్ బాబును ఉదాహరణగా చూపి హౌస్ లో ఉన్న కంటెస్టెంట్స్ కి జీవిత పాఠాలు చెప్పారు సల్మాన్ ఖాన్.
ఇక షోలో మహేష్ బాబు ప్రస్తావన రావడంతో ఆయన మరదలు శిల్పా సంతోషంతో చూస్తూ, సల్మాన్ ఖాన్ చెప్పే మాటలు వింటూ ఉండిపోయింది.ప్రస్తుతం ఈ వీడియో సోషల్ మీడియాలో తెగ వైరల్ అవుతుంది.ఇక శిల్పా శిరోత్కర్ విషయాసనికోస్తే నమ్రతా లాగే పలు బాలీవుడ్ సినిమాల్లో నటించింది శిల్ప. భ్రష్టాచార్‌(1989) సినిమాతో కెరీర్‌ మొదలుపెట్టిన శిల్ప.. కిషన్‌ కన్హయ్య, త్రినేత్ర, హమ్‌, ఖుదా గవా, ఆంఖెన్‌, గోపి కిషన్‌, మృత్యునాద్‌, బేవఫ సనం ఇలా ఎన్నో హిట్‌ సినిమాల్లో నటించి మెప్పించింది. ఇక తెలుగులో మోహన్ బాబు సరసన బ్రహ్మ అనే సినిమాలో కథానాయికగా నటించింది.కాగా పెళ్లి తర్వాత సినిమాలకు దూరమైంది శిల్పా శిరోద్కర్. సుమారు పదేళ్ల తర్వాత మళ్లీ 2013లో బుల్లితెరపై అడుగు పెట్టింది. అయితే గత కొద్దికాలంగా సీరియల్స్ కు కూడా దూరంగా ఉంటుంది. కానీ సోషల్ మీడియాలో మాత్రం ఫుల్ యాక్టివ్ గా ఉంటోంది.