టెక్నాల‌జీ: వాట్సాప్‌లో `సిరి` ఫీచర్ ను ఎలా ఉప‌యోగించాలో తెలుసా..?
వాట్సాప్.. నేటి త‌రం ప్ర‌జ‌ల‌కు ప‌రిచ‌యం అక్క‌ర్లేని పేరు. స్మార్ట్ ఫోన్ ఉన్న ప్రతి ఫోన్ లోను ఈ యాప్ తప్పనిసరిగా ఉంటోందంటే అతిశ‌యోక్తి కాదు. ఈ క్ర‌మంలోనే వాట్సాప్ వినియోగించే వారి సంఖ్య కోట్ల‌లో ఉంది. ఇక గుడ్ మార్నింగ్ తో మొదలుకొని గుడ్ నైట్ వరకు కొన్ని వందల మెసేజెస్.. వీడియో కాల్స్, వాయిస్ కాల్స్, ఫోటోలు , వీడియోలు షేర్ చేసుకోవడానికి అందరికి చాలా సులువుగా ఉన్న యాప్ వాట్సాప్. వాట్సాప్ సైతం ఎప్ప‌టిక‌ప్పుడు కొత్త కొత్త ఫీచర్లను తీసుకువ‌స్తూ.. యూజ‌ర్ల‌ను విప‌రీతంగా ఆక‌ర్షిస్తోంది.
ఇవ‌న్నీ ప‌క్క‌న పెడితే.. ప్రముఖ ఆపిల్ సంస్థ యొక్క ఐఫోన్ ప్రస్తుతం అద్భుతమైన ఫీచర్లను కలిగి ఉన్నాయి. ఐఫోన్ వాయిస్ ఆదేశాలతో అన్ని రకాల పనులను చేయడానికి కూడా అనుమతిని ఇస్తుంది. ముఖ్యంగా సిరి ఫీచర్ ను ఉపయోగించి మ్యాప్ లను ఓపెన్ చేయడం మరియు వాయిస్ కాల్స్ చేయడానికి ఉపయోగిస్తారు అని చాలా మందికి తెలుసు. అయితే మ‌రి వాట్సాప్‌లో సిరి ఫీచర్ ఎలా ఉప‌యోగించాలో తెలుసా..? తెలియ‌క‌పోతే ఇప్పుడు తెలుసుకోండి. ఇందుకు ముందుగా.. మీ యొక్క ఫోన్ లో సిరిని ఆన్ చేసినట్లు నిర్దారించుకోవాలి.
దీనిని ఆన్ చేయడానికి మీరు సెట్టింగులు> సిరి & శోధన? `హే సిరి` ను ఎంచుకోవాలి. ఇది ప్రారంభించబడకపోతే మీరు దీన్ని టోగుల్ చేయవచ్చు. త‌దుపరి దశలో భాగంగా క్రిందికి స్క్రోల్ చేసి మీ ఐఫోన్‌లో ఇన్‌స్టాల్ చేయబడిన యాప్ ల జాబితా నుండి వాట్సాప్‌ను కనుగొని దానిని ఓపెన్ చేసి క్రిందికి స్క్రోల్ చేసి, `యూజ్ విత్ ఆస్క్ సిరి` పై టోగుల్ చేయండి. ఇది పూర్తయిన తర్వాత మీరు వాట్సాప్ కోసం సిరిని ఉపయోగించడం ప్రారంభించవచ్చు. మీ ఫోన్‌లో టైప్ చేయడం కష్టంగా ఉన్న పరిస్థితులలో ఈ ఫీచర్ చాలా ఉపయోగకరంగా ఉంటుంది.