ఇతను దోసె వేసే స్టైల్ కి ఎవ్వరైనా ఫిదా అవ్వాల్సిందే!
ఇక టాలెంట్ అనేది అసలు ఏ ఒక్కరి సొంతం కాదు.. తమ క్రియేటివిటీతో పదిమందిని బాగా ఆకట్టుకుంటూ.. తమకంటూ ఓ గుర్తింపు సొంతం చేసుకునే సామాన్య వ్యక్తులు సైతం చాలా మంది ఉన్నారు.ఇక సోషల్ మీడియా(Social Media) ప్రతి ఒక్కరికి కూడా అందుబాటులోకి వచ్చిన తరువాత అనేక రకాల డిఫరెంట్ వీడియోలు హల్ చల్ చేస్తూనే ఉన్నాయి. తాజాగా ఓ ఫుడ్ విక్రేత వీడియో సోషల్ మీడియాలో ఓ రేంజ్ లో వైరల్ అవుతూ చక్కర్లు కొడుతోంది. ఇక ఈ వీడియోలోని దోశ విక్రేత.. తన కస్టమర్స్ కు మంచి టేస్టీ క్రిస్పీ దోసెను అందిస్తున్న విధానం చాలా అద్భుతంగా ఉంది. చాలా మంది కూడా దీన్ని ఫ్లయింగ్ దోశ అని కూడా అంటున్నారు. ఎందుకంటే దోశను రెడీ చేసిన తర్వాత.. ఇక ఆ మనిషి దానిని మడతపెట్టి నేరుగా పైకి గాలిలోకి విసిరేస్తాడు. దాన్ని పట్టుకోవడానికి.. మళ్ళీ ఆదోశను కస్టమర్స్ కు సర్వ్ చెయడానికి అక్కడ ఒక హెల్పర్ కూడా ఉన్నాడు. ఈ ప్రత్యేకమైన దోశ విక్రయదారుడి(Dosa making) స్టైల్ కి దేశంలోని ప్రముఖ పారిశ్రామికవేత్త హర్ష్ గోయెంకా(Harsh Goenka) కూడా ఆశ్చర్యపోయారు. వీడియోను షేర్ చేస్తూ మీరు ఈ వ్యక్తిని అభినందిచాలనుకుంటే.. మీరు కూడా మీరు చేస్తోన్న పనిని ప్రేమించండి అంటూ వీడియో కి ఓ కామెంట్ ను కూడా యాడ్ చేశాడు.
ఇక సోషల్ మీడియాలో బాగా వైరల్ అవుతున్న క్లిప్లో, దోసెను తయారు చేసిన తర్వాత,ఆ వ్యక్తి దానిని ఎడమ వైపున గాలిలో విసురుతున్నాడు. అయితే చూసేవారు ఈ దోశ నేలమీద పడిపోతుందేమో అంటూ అయ్యో అనుకుంటారు. అయితే అలా దుకాణదారుడు ఆ దోశను గాలిలోకి విసిరిన వెంటనే ఆ బండి పక్కనే నిల్చున్న వ్యక్తి దానిని ప్లేట్లో పట్టుకోవడం మనం వీడియోలో చూడవచ్చు.ఇక ఈ సమయంలో, దోశలు తయారు చేస్తున్న వ్యక్తి.. ఎప్పుడూ కూడా దోశను తయారు చేస్తూనే అలా ఎటువైపు చూడకుండా తన తల ఎత్తకుండా.. అలా గాలిలోకి దోశను విసిరివేస్తున్నాడు. ఇక అదే సమయంలో గాలిలో ఉన్న దోశను పట్టుకోవడానికి ఎల్లప్పుడూ రెడీగా ఓ వ్యక్తి ఉన్నాడు.ఇక ఈ వీడియోను ఆర్పీజీ గ్రూప్ చైర్మన్ హర్ష్ గోయెంకా తన ట్విట్టర్ ఖాతాలో పోస్ట్ చేశారు. ఈ వీడియోని అప్లోడ్ చేసిన 24 గంటల్లోనే 43 వేలకు పైగా వీక్షించగా ఇంకా 2 వేల మంది దీనిని లైక్ చేశారు. అలాగే 200 మందికి పైగా దీనిని రీట్వీట్ చేశారు. ఇక ఈ సంఖ్య నిరంతరం
పెరుగుతోంది.https://twitter.com/hvgoenka/status/1518154857131044864?