వామ్మో బైక్ స్పీడో మీటర్లో పాము.. తరువాత ఏమైందో తెలుసా?
వామ్మో బైక్ స్పీడో మీటర్లో పాము.. తరువాత ఏమైందో తెలుసా ?
విషపూరీతమైన పాములు ఎంత భయంకరమైనవో ప్రత్యేకంగా చెప్పనవసరం లేదు. ఒక్క కాటుతోనే కొండంత ఏనుగుని కూడా చంపేస్తాయి. అందుకే జనాలు వాటిని చూస్తే చాలు భయంతో అక్కడ్నుంచి ఉన్నపళంగా పరిగెడతారు. ఇకపోతే, పాములు ఎప్పుడు ఎక్కడ ప్రత్యక్షమవుతాయో కూడా ఎవరూ చెప్పలేరు.ముఖ్యంగా ఈ వర్షాకాలాల్లో అయితే పాముల బెడద మరీ ఎక్కువగా ఉంటుంది. వర్షాలు, వరదల కారణంగా బొరికెలు, పొదల్లో ఉన్న పాములు జనావాసాల్లోకి వచ్చి హల్చల్ చేస్తుంటాయి. ఈ క్రమంలోనే పాములు ఏ చిన్నపాటి సందు దొరికినా సరే అందులో దూరిపోతుంటాయి. చాలా సార్లు ఇంట్లోని ఫ్రీజ్లో, ఎయిర్ కూలర్లో కూడా పాములు ప్రవేశించిన చూశాం. ఇకపోతే, కాళ్లకు వేసుకునే షుస్లో కూడా పాములు దూరి భయబ్రాంతులకు గురిచేస్తుంటాయి. కొన్ని సందర్భాల్లో కార్లు, బైకుల్లోనూ పాములు ప్రవేశిస్తుంటాయి. తాజాగా అలాంటిదే మరో సంఘటన చోటు చేసుకుంది.
మధ్యప్రదేశ్లోని నార్సింగ్పూర్లో బైక్ స్పీడోమీటర్లో దూరి కలకలం సృష్టించింది. మధ్యప్రదేశ్ రాష్ట్రం నర్సింగ్పూర్కు చెందిన నజిర్ఖాన్ అనే వ్యక్తి రాత్రి సమయంలో తన బైక్ను ఇంటి ముందు పార్క్ చేశాడు. తెల్లవారగానే ఏదో పనిమీద బైక్పై బయల్దేరాడు.. కొంతదూరం వెళ్లగానే బైక్లో నుంచి పాము బుసకొడుతున్న శబ్దం వచ్చింది. దీంతో నజిర్.. బైక్ను పక్కకు ఆపి పరిశీలించగా స్పీడోమీటర్లో నల్లటి నాగు పాము కనిపించింది.బైక్లోకి పాము ఎలా వచ్చిందో అర్థంకాకా కంగుతిన్నాడు. ఏం చేయాలో తెలియని పరిస్థితిలో ఉండగా..అక్కడంతా స్థానికులు గుమిగూడారు. పామును బయటకు తీసే ప్రయత్నం చేశారు. కొన్ని గంటలు శ్రమించి స్పీడోమీటర్ అద్దం పగలగొట్టి పామును బయటకు తీశారు. ఇందుకు సంబంధించిన వీడియో ప్రస్తుతం నెట్టింట వైరల్గా మారింది.చూపరులను ఎంతగానో భయపెడుతుంది.కాబట్టి ఈ కాలంలో పాముల బెడదా ఎక్కువగా ఉండొచ్చు. కాబట్టి ఖచ్చితంగా చాలా జాగ్రత్తగా ఉండండి.