మనుషులను పీక్కుతినే కుక్కతో కోడిపుంజు ఢీ.. చివరికి ఏది గెలిచిందంటే?
ఈరోజుల్లో స్మార్ట్ ఫోన్ లేని మనుషులు దాదాపుగా శూన్యం అనే చెప్పుకోవాలి. దాంతోనే ఎక్కడున్న సమాచారం అయినా ఇట్టే తెలుసుకోగలుగుతున్నాం. సోషల్ మీడియా కూడా రోజురోజుకీ విస్తరిస్తుండడంతో సమాచారం తెలుసుకోవడం మరింత సులువు అవుతోంది. ఈ క్రమంలోనే కొన్ని రకాల వీడియోలు నిత్యం ఇక్కడ వైరల్ అవుతూ ఉంటాయి. అందులో కొన్ని వీడియోలను చూసినపుడు అయ్యో పాపం అనిపిస్తే, మరికొన్ని వీడియోలను చూసినపుడు చాలా ఎమోషనల్ అవుతూ ఉంటాం. అదేవిధంగా ఒక రకమైన వీడియోలను తిలకించేప్పుడు తెలియకుండానే కడుపుబ్బా నవ్వుకుంటూ ఉంటాము. ప్రస్తుతం అదే రకానికి చెందిన వీడియో ఒకటి సోషల్ మీడియాలో తెగ వైరల్ అవుతోంది.
జంతువులకు కూడా మనుషుల్లాగే ఎమోషన్స్ ఉంటాయి అని వేరే చెప్పాల్సిన పనిలేదు. ఈ క్రమంలోనే అవి కూడా కోపాన్ని, జాలిని, ప్రేమను తమదైన రీతిలో ప్రకటిస్తూ ఉంటాయి. సాధారణంగా ఇతర జంతువులతో పోట్లాడిన వీడియోలను అప్పుడప్పుడు మనం అనేకం చూస్తుంటాం. ఇక కోడిపందాలు గురించి జనాలకి చెప్పాల్సిన పనిలేదు. కానీ, కుక్కతో కోడిపుంజు ఫైటింగ్ ఎక్కడైనా చూశారా? ఏంటి ఆశ్చర్యపోతున్నారా? కానీ మీరు ఇక్కడ విన్నది నిజం. ఛత్తీస్ ఘడ్ లో ఓ రోడ్డు వద్ద అరుదైన దృశ్యం కనిపించింది. కుక్క ముందు ఫోజులు ఇస్తూ, కుక్క మీదికే కాలు దువ్వుతున్న ఒక కోడిపుంజుని ఇక్కడ వీడియోలో మీరు చూడవచ్చు.
అక్కడ స్థానికంగా ఒక ఇంటి యజమాని తన ఇంట్లో కోడిపుంజుని పెంచుకుంటున్నాడు. అదే సమయంలో అక్కడికి ఒక కుక్క పిల్ల వస్తే అన్నం పెట్టాడు. ఇక అంతే.. తనకి పెట్టాల్సిన అన్నాన్ని ఆ కుక్కకి తన యజమాని పెట్టాడని ఫీల్ అయిందో ఏమో మరి, ఒక్కసారిగా ఆ కుక్కపై విరుచుకు పడింది. సాధారణంగా కుక్కకంటే కోడి చాలా చిన్న పక్షి. కానీ కోడి ధాటికి కుక్క నిలవలేక పరుగులంకించడం ఇక్కడ వీడియోలు మీరు చూడవచ్చు. అయితే ఈ సంబరాన్ని చూసి స్థానికులు సంతోషం వ్యక్తం చేస్తూ వీడియో రికార్డ్ చేయగా ప్రస్తుతం అది సోషల్ మీడియాలో వైరల్ అవుతోంది. ఈ నేపథ్యంలోనే నెటిజన్లు రకరకాల కామెంట్స్ చేస్తున్నారు. కొందరు కుక్క కంటే కోడే బలమైనది అని కామెంట్స్ చేస్తుంటే, మరికొందరు కోడి బలహీనమైనది అయినప్పటికీ, తనని తాను చాలా స్ట్రాంగ్ అని ఫీల్ అయింది. అందుకే ఈ రేసులో గెలవగలిగింది అంటూ కామెంట్స్ చేస్తున్నారు.